کمپیوټر ساینس پوهنځي محصلانو ته د کارموندنې په برخه کې په آنلاین رسنیو کې د سوداګريزو خبرتياوو رول او سيوي لیکنې په اړه معلوماتي سیمینار وړاندې شو
د لوړو زده کړو وزارت د لارښوونې سره سم، د وردګ پوهنتون کمپیوټر ساینس پوهنځي د درېیم او څلورم ټولګیو محصلانو ته د «کارموندنې په پار په آنلاین رسنیو کې د سوداګریزو تبلیغاتو رول او سيوي لیکنه» تر سرلیک لاندې معلوماتي سیمینار وړاندې شو.
سیمینار د استاد عبدالله بهادري له لوري وړاندې شو، چې موخه یې د آنلاین رسنیو له لارې د کاري فرصتونو موندنې او مسلکي سيوي لیکلو په اړه د محصلانو پوهاوی لوړول وو.
په سیمینار کې د ټولنیزو رسنیو رول، د کاري فرصتونو موندلو لارې، د دندو مهمې آنلاین سرچینې او د کمپیوټر ساینس اړوند مسلکي سرچینې ور وپېژندل شوې. همدارنګه، د مسلکي سيوي مهمې برخې او د اغېزمنې لیکنې اصول په عملي ډول تشریح شول.
د یادونې وړ ده چې دا ډول مسلکي پروګرامونه محصلانو سره د کاري بازار پېژندلو او مسلکي فرصتونو ته د لاسرسي په برخه کې مرسته کوي.
عامه اړیکو او نشراتو عمومي مدیریت
