وردګ پوهنتون کرنې پوهنځي نیمهکاره ودانۍ رغنیزې چارې بشپړېدو ته نږدې شوي دي.
د وردګ پوهنتون د کرنې پوهنځي د نیمهکارې ودانۍ رغنیزې چارې د بشپړېدو وروستي پړاو ته رسېدلې دي او تمه ده چې په نږدې راتلونکي کې به بشپړه او په رسمي ډول ګټې اخیستنې ته وسپارل شي.
د یادې ودانۍ په بشپړېدو سره به د کرنې پوهنځي لپاره معیاري درسي خونې، اداري دفترونه او مناسب علمي چاپېریال برابر شي، چې د تدریس، څېړنې او عملي زدهکړو د کیفیت په لوړولو کې به مهم رول ولوبوي. دغه پروژه د پوهنتون د زېربناوو د پراختیا او د کرنې په برخه کې د مسلکي کادرونو د روزنې لپاره یو ارزښتناک ګام ګڼل کېږي.
وردګ پوهنتون مشرتابه د لوړو زده کړو قدرمن وزارت له ملاتړ څخه مننه څرګندوي او ژمن دی چې د معیاري زېربناوو په رامنځته کولو سره به د باکیفیته لوړو زدهکړو او علمي پرمختګ لپاره خپلې هڅې لا پیاوړې کړي.
عامه اړیکو او نشراتو عمومي مدیریت
