استادانو او اداري کارکوونکو ته د ساري ناروغیو، شخصي حفظ الصحې او روغتیا ساتنې په اړه معلوماتي سیمینار وړاندې شو.
دغه سیمینار د لوړو زده کړو وزارت په لارښوونه، د کارکوونکو چارو عمومي مدیریت له لوري، د میدان وردګو ولایت د عامې روغتیا ریاست په همکارۍ جوړ شوی و، چې د پوهنتون استادانو او اداري کارکوونکو پکې ګډون کړی و.
په سیمینار کې ډاکټر فضل کریم حیدري او ډاکټر یما وردګ د توبرکلوز، ملاریا، د انسان د معافیتي سیستم د کمزورۍ ویروس (HIV) او نورو ساري ناروغیو په اړه هر اړخیز معلومات وړاندې کړل.
ویناوالو د یادو ناروغیو د لېږد پر لارو، د مخنیوي پر تدابیرو، د شخصي حفظ الصحې پر رعایت او د روغتیا ساتنې پر بنسټیزو اصولو رڼا واچوله. همدارنګه، د ساري ناروغیو د خپرېدو د مخنیوي لپاره د روغتیايي سپارښتنو پر عملي کولو او د عامه پوهاوي پر اهمیت ټینګار وشو.
عامه اړیکو او نشراتو عمومي مدیریت
