د وردګ پوهنتون د صحن هموارکارۍ پروژې چارې اتیا سلنه بشپړې شوې دي.
د علمي چاپېریال د لا ښکلا، تنظیم او معیاري کولو په موخه د وردګ پوهنتون د صحن هموارکارۍ پروژه په چټک او منظم ډول روانه ده، چې تر دې مهاله یې شاوخوا ۸۰ سلنه چارې بشپړې شوې دي.
یاده پروژه، چې د پوهنتون د فزیکي زیربناوو د پیاوړتیا او د محصلینو، استادانو او اداري کارکوونکو لپاره د مناسب او معیاري چاپېریال د رامنځته کولو په موخه پیل شوې، په کې د صحنې هوارول، د تګ راتګ مسیرونو تنظیم، د چاپېریال ښکلا او د عامه اسانتیاوو برابرولو اړوند بېلابېلې برخې شاملې دي.
د پوهنتون مسئولین وایي، هڅه کوي څو د یادې پروژې پاتې چارې هم په ټاکلي وخت او لازم کیفیت بشپړې شي، ترڅو محصلین او د پوهنتون مراجعین له یوه منظم، پاک او عصري علمي چاپېریال څخه برخمن شي.
وردګ پوهنتون د علمي پرمختګ ترڅنګ د معیاري زیربناوو جوړولو ته هم ځانګړې پاملرنه کوي او هڅه لري چې د هېواد د لوړو زده کړو په ډګر کې د یوه پرمختللي علمي مرکز په توګه خپل رول لا پیاوړی کړي.
عامه پوهاوي، اړیکو او نشراتو عمومي مدیریت
