وردګ پوهنتون کې د محصلانو لپاره د معیاري، عصري او مجهزې لیلیې د جوړولو چارې په چټکۍ سره روانې دي.

دغه ستره او بنسټیزه پروژه، چې د ۱۸۰ میلیونه افغانیو په ارزښت پلې کېږي، اوس یې عملي چارې په چټک او منظم ډول روانې دي.
یاده لیلیه څلور پوړیزه ودانۍ ده چې په دوو جلا بلاکونو کې جوړیږي او د بشپړېدو وروسته به په یو وخت کې د ۱۶۰۰ محصلانو د اوسېدو اسانتیا ولري. د دغې پروژې په عملي کېدو سره به د محصلانو د استوګنې ګڼې ستونزې هوارې او هغوی ته به د زده کړو لپاره مناسب، ارام او معیاري چاپېریال برابر شي.
د وردګ پوهنتون مسئولین وایي، د ودانیزو چارو بهیر په ښه کیفیت او ټاکلي مهالویش سره روان دی او هڅه کېږي چې پروژه په اساسي او معیاري ډول بشپړه شي، څو محصلان له لا ډېرو اسانتیاوو څخه برخمن شي.
عامه پوهاوي، اړیکو او نشراتو عمومي مدیریت